NOVERINT universi, presentes et futuri quod Dominus de Astafort, miles, (Ugo de Sanbole)nis, domicellus et Pe(trus de Garaco,pro se) / ipsis et eorum heredibus, ordinio et successoribus, dederunt et imperpetuum concesserunt omnibus hominibus et feminis de Levinhaco, presentibus et futuris ibi (…) etiam qui ibi de cetero (...) / instanciam et preces Geraldi Joqueti et Bernardi del Guaset et Petri Bernardi del Crozar, qui tunc erant Consules Ville de Levinhaco et pertinenciarum (...) partis universitatis seu (communitatis) dicte / Ville de Levinhaco omnes consuetudines infrascriptas, videlicet:
I- QUOD semper annuatim, in festo Omnium Sanctorum statuantur ibi tres probi homines qui / sint de uni(versitate seu communitate) dicte Ville de Levinhaco, et eliguantur qui sint Consules dicte Ville et pertinenciarum ejusdem. Et quod in proximo venienti festo Omnium Sanctorum illi tres Consules eliguant, statuant et nominent (Co...) dicte Ville de Levinhaco illos tres probos / homines qui sint Consules per totum annum sequentem dicte Ville et pertinenciarum (ejusdem) et qui in introitu eorum consulatus ibidem jurent sicut est cons(uetum…jur)are in introitu eorum consulatus et sic / et eodem modo quoquo anno teneatur imperpetuum et etiam excequatur.
ET CONSULES (…) Habeant meram et ordinariam et plenariam juridictionem (…) potestatem plenariam omnes causas et / controversias tam criminales quam civiles tam alias ad forum seculare pertinentes audiendi, terminandi in dicta Villa et in toto terrictorio et pertinenciis dicte Ville de Levinhaco et etiam juramentum calumpnie / et definitivum et alla a partibus recipiendi et interloquendi, cognoscendi et pronunciandi, judicandi judicia et cogniciones et alias excipiendi. Et generaliter in omnibus causis predicte Ville et pertinenciarum / ejusdem expediendi habeant totam juridictionem et eamdem quam quilibet judex ordinarius habet seu habere debet. Et quod faciant de consilio Dominorum dicte Ville de Levinhaco, videlicet, judicia, cogniciones et / exceptiones. Et sic semper et imperpetuum teneantur.
II- ITEM predicti Domini pro se ipsis et eorum heredibus, ordinio et successoribus dederunt et concesserunt omnibus hominibus et feminis et toti communitati / seu universitati dicte Ville de Levinhaco presenti, scilicet, et future, herbas, folia et explectiva et pascua et aquas per omnes terras et honores et pertinencias dicte Ville de Levinhaco omnibus eorum animalibus tam / propriis eorum quam aliis in dicta Villa vel in eorum domibus permanentibus vel etiam permansuris, videlicet sine tala.
III- ET DEDERUNT eis similiter et concesserunt talhivum et explectivum de lignis et fustibus et / aliis similiber in omnibus eorum nemoribus et honoribus de Levinhaco ad proprios usus focorum, domorum et baxillorum et aliorum, totum libere sine aliquo forestagio quod Inde donare alicui viventi minime teneantur. /
IV- ITEM predicti Domini, pro se ipsis et eorum heredibus, ordinio et successoribus dederunt (...) et concesserunt omnibus hominibus et feminis dicte Ville de Levinhaco presentibus et futuris omnes illas terras et honores / quas vel quos ipsi extirpabunt vel trahent ad culturam unusquisque illorum videlicet illam vel illas quam vel quas trahet vel extirpabit seu rediget ad culturam, pro tenere et explectare et vendere / et impignorare et alienare et pro tota sua voluntate inde imperpetuum facere, salva tament et retenta dictis Dominis de Levinhaco insimul et eorum ordinio medietate agrerii tocius fructus de dictis terris et honoribus / exeuntis in tribus primis annis et deinde, elapsis primis tribus annis predicti Domini et eorum ordinium habeant totum agrerium, pleno jure, exceptis tamen fructibus omnium arborum presentium / et futurorum qui debent esse proprii penitus illius vel illorum qui dictas terras et honores extirpaverunt seu etiam ad culturam redigerunt, ut est dictum; et retentis ibi similiter predictis Dominis insimul / et eorum ordinio vendis, impignoraturis et justiciis et allis dominationibus ratione feudi vel feudorum quando eveniet in futurum.
V- ITEM predicti Domini, pro se ipsis et eorum heredibus, ordinio et successoribus, / dederunt similiter et concesserunt licentiam et potestatem Consulibus dicte Ville de Levinhaco presentibus et futuris eligendi ponendi et mictendi custodem seu porterium ad portam dicte Ville de Levinhaco / prout melius ipsis visum fuerit faciendum ad commodum et utilitatem dicte Ville, qui faciat, recipiat et excipiatur, nomine Consulum, et universitatis dicte Ville, que talibus custodibus sive / porteriis sunt ibi fecere, excequi et recipere consueta. Retentis tamen duodecim denariis tholosanis quoquo anno, in festo Omnium Sanctorum, predictis Dominis insimul Ville de Levinhaco predicte et / eorum ordinio quos habeant ratione portarii seu portagii supradicti.
VI- ITEM predicti Domini, videlicet, Dominus Bernardus de Astaforte et Petrus de Garaco
[17] pro se ipsis et eorum heredibus / ordinio et successoribus, dederunt, statuerunt et concesserunt Consulibus predicte Ville de Levinhaco presentibus scilicet et futuris licentiam et potestatem eligendi, ponendi et mictendi fabrum quoquo anno / in festo Omnium Sanctorum vel quandocumque eis placuerit in loco de Levinhaco, qui teneat, possideat et explectet fabricam dicte Ville et faciat ea que dicte fabrice erunt utilia et necessaria et ea que faber debet / facere et tenetur. Salvis tamen et retentis Dominis predicte Ville insimul et eorum ordinio tribus solidis tholosanis quos habeant et recipiant omnes predicti Domini insimul, quoquo anno, in predicto festo Omnium / Sanctorum, de omnibus illis qui predictam fabricam tenuerit seu tenuerunt, quos predictos tres solidis tholosanos ille faber vel illi qui predictam fabricam tenuerit seu tenuerint et positus seu positi fuerint ut / est dictum per dictos Consules, quoquo anno, in predicto festo Omnium Sanctorum, supradictis Dominis insimul solvere teneatur seu teneantur. Et quod dictus faber seu dicti fabri teneatur seu teneantur predictis Dominis / insimul et eorum ordinio tenere unum vomerem condrictum, si predicti Domini in dicto honore de Levinhaco laboranciam facere et tenere voluerint.
VII- ITEM predicti Domini, scilicet Dominus Bernardus de / Astaforte et Ugo de Sanbolenis et Petrus de Guaraco, pro se ipsis et eorum heredibus et successoribus, dederunt et concesserunt licentiam et potestatem omnibus et singulis hominibus et feminis / et toti communitati seu universitati dicte Ville et honoris de Levinhaco presenti scilicet et future quod quisque semper et imperpetuum possit et liceat ei tenere, construere furnum seu furnos in domo sua et hedificare et / mutare et dirruere seu etiam omnino removere pro toto ipsi libito voluntatis, in quo vel in quibus vel etiam alibi possint et liceat eis decoqui suum panem pro Iota eorum voluntate, totum videlicet libere / et quiete.
VIII- ITEM predicti Domini de Levinhaco, pro se ipsis et eorum ordinio, heredibus et successoribus, dederunt similiter et concesserunt licentiam, et potestatem omnibus et singulis hominibus dicte Ville de / Levinhaco presentibus et futuris, occidendi seu interficiendi ac etiam vendendi seu ad vendendum tenendi in quocumque loco seu locis eorum propriis dicte Ville et honoris de Levinhaco vel coram eorum honoribus / ubi ipsi vel quilibet ipsorum voluerint: boves et vaccas, porcos et sues, arietes et oves, yrcos et capras et etiam volatilia et alia quelibet animalia, totum libere et imperpetuum ad eorum voluntatem. / Retento videlicet quod predicti Domini vel eorum ordinium et successores semper habeant de unoquoque bove sive vacca que ibi causa vendendi fuerit occisus vel occisa pectus illius bovis vel vacce vel tres denarios tholosanis / pro unoquoque pectore ad electionem videlicet illius qui dicta animalia occiderit et ea in parte vel in toto vendiderit. Et de unoquoque porco vel sue similiter predicti Domini et eorum heredes, ordinium et successores / habeant tantum modo lumbos vel unum denarium tholosanum ad electionem illius vel illorum qui dictum porcum vel suem sive troiam occiderit vel occidi fecerunt et ibi in parte vel in toto ea vendiderit. Et quod ita / semper et imperpetuum teneatur.
IX- ITEM predicti Domini de Levinhaco pro se ipsis et eorum heredibus ordinio et successoribus, dederunt similiter et concesserunt licentiam et potestatem omnibus hominibus et feminis / dicte Ville et honoris de Levinhaco presentibus et futuris quod quisque possit vendere vinum suum libere semper et imperpetuum, quandocumque voluerit, ad certam tamen et rectam mensuram et per Consules dicte / Ville de Levinhaco constitutam vel signatam. Si vero vinum cum minori mensura aliquis vel aliqua vendebat et ille fuerit in judicio probatus vel quictus, quoi habeant predicti Domini insimul et eorum heredes / ordinium et successores ab eo vel ab ea qui vel que dictum vinum cum tali minori mensura vendiderit quinque solidos tholosanis racione justicie dicti facti.
X- ITEM predicti Domini de Levinhaco pro se ipsis, eorum heredibus / ordinio et successoribus dederunt et concesserunt omnibus et singulis homibus et feminis dicte Ville et honoris de Levinhaco, presentibus et futuris, quod omnes et singuli possint et liceat eis in dicte Villa et / honore de Levinhaco habere et tenere porcarias et ovelharias, libere ad eorum et earum ordinii voluntatem. Et quod pro illis predictis Dominis de Levinhaco vel eorum successoribus aliquem censum seu aliquid servire / vel donare nulle tempore teneantur.
XI- ITEM prenominati Domini de Levinhaco dederunt similiter et concesserunt pro se ipsis et eorum heredibus ordinio et successoribus, licentiam e et potestatem Consulibus dicte Ville / de Levinhaco presentibus et futuris quod ipsi et sui successores possint et liceat eis eligere, mictere et tenere messeguerium seu custodem in dicta Villa et honore et pertinenciis de Levinhaco semper et imperpetuum / libere ad eorum et eorum successorum voluntatem, qui custodiat eorum terras, vineas, prata et casalia et omnes alios eorum honores et blada et segetes et omnes fructus prout est in talibus consuetum / videlicet quod de omnibus justiciis qui ibi racione custodis vel messeguerii evenerunt habeant predicti Domini et eorum ordinium et successores postquam dictas justicias receptas habuerint eisdem Dominis et eorum ordinio / et successoribus vel eorum baiulis nomine dictorum Dominorum semper et imperpetuum solvere teneantur. Et predicti Consules et eorum successores, pro se et universitate seu communitate dicte Ville de Levinhaco / habeant et recipiant duas partes integre de justiciis videlicet supradictis ad eorum voluntatem et communitatis seu universitatis dicte Ville de Levinhaco presentis et future de dictis duabus partibus penitus / facienda.
XII- ITEM predicti Domini, pro se ipsis et suis heredibus, ordinio et successoribus promiserunt et concesserunt predictis Consulibus et eorum successoribus quod nunquam per se vel per eorum familiam vel per aliquam aliam / personam faciant seu inferri faciant aliquem vim seu violenciam alicui seu aliquibus hominibus dicte Ville de Levinhaco in recipiendo fenum, paleam seu garbas vel alia, contra justiciam in eorum areis seu campis / vel in aliis eorum honoribus. Quod si forte fecerint, dederunt et concesserunt plenam et liberam potestatem predictis Consulibus et eorum successoribus ut ipsi et eorum successores de bonis predictorum Dominorum de Levinhaco / et eorum ordinii faciant fieri per dictos Dominos de Levinhaco plenam satisfactionem et emendam illis videlicet quibus vim seu violenciam fecerint seu intulerint contra justiciam. Et quod possint compellere predictos Dominos de Levinhaco / et eorum ordinium et successores si necesse fuerit ad solvendum, emendum et satisfaciendum illud quod ipsi Domini vel eorum ordinium seu eorum familia de hominibus seu mulieribus dicte Ville de Levinhaco vel eorum ordinio / habuerint seu receperint contra justiciam postquam cognitum fuerit per dictos Consules vel successores etiam eorumdem.
XIII- ITEM predicti Domini de Levinhaco pro se ipsis et eorum heredibus, ordinio et successoribus, et predicti / Consules de Levinhaco, pro se et omnibus eorum successoribus et pro tota universitate seu communitate dicte Ville de Levinhaco presenti et futura et de consilio et voluntate et assensu et in presentia maioris partis univer / sitatis dicte Ville de Levinhaco fecerunt talia statuta seu stabilimenta inter se qualia sunt que inferius continentur, que voluerunt perpetuo observari incorrupta firmiter et teneri, videlicet:
Quod omnis homo vel femina qui vel que / furtum faciet in dicta Villa de Levinhaco et in pertinenciis eiusdem Ville et de illo furto erit quictus per confessionem ejus vel per aliam probacionem contra ipsum in judicio factam coram curia dicte Ville de Levinhaco / quod corpus ipsius furis per dictos Consules et consilio Dominorum dicte Ville de Levinhaco, secundum qualitatem et quantitatem ipsius criminis judicetur et condempnetur. Et omnia bona illius vel illorum Dominis de Levinhaco insimul / predictis et eorum ordinio et successoribus veniant in incursum ad totam eorum voluntatem et eorum ordinii faciendam. Excepto quod si aliquis vel aliqua furtum fecerit de nocte de vindemia vel aliquibus aliis fructibus / vinearum, terrarum vel ortorum vel aliorum honorum, quod ille talis, si devictus fuerit per confessionem eius vel per aliam probacionem contra ipsum in judicio factam teneatur tantummodo et sine pluri in quinque solidis / tholosanis persolvendis Dominis predicte Ville insimul et eorum ordinio et totum dampnum datum emendet et emendare teneatur Domino seu dominis fructuum predictorum, cognicione Consulum dicte Ville.
XIV- ITEM quod / de omni clamore seu querela contra aliquem seu aliquos facto vel facta coram curia de Levinhaco quod ille vel illi qui devitus seu devicti fuerint persolvant et persolvere teneantur de unoquoque clamore seu querela / omnibus predictis Dominis insimul et eorum ordinio et successoribus quatuor denarios tholosanos tantum pro justicia. Si vero clamor vel querela fuerit de sanguinis effusione facto seu facta, teneatur / ille qui sanguis effusionem fecerit in solvendis quinque solidis tholosanis tantum Dominis dicte Ville insimul et eorum ordinio pro justicia. Et quod de omni clamore seu querela facto seu facta de vulnere / leguali, ille qui tale vulnus fecerit leguale persolvat et persolvere teneatur sexaginta solidos tholosanis predictis Dominis., dicte Ville insimul et eorum ordinio et successoribus pro justicia. Et ultra quod ille qui tale / vulnus vel aliud aliquod seu sanguinis effusionem fecerit vel aliquam aliam injuriam alicui seu aliquibus fecerit, dixerit seu intulerit et inde in judicio devictus fuerit quod ille vel illi donent, faciant, persolvant et / donare, facere, persolvere teneantur emendam et satisfactionem injuriam passo seu passis ac etiam Consulibus et communitati dicte Ville, cognicione Consulum de Levinhaco facta, videlicet consilio Dominorum / dicte Ville.
XV- ITEM quod omnis homo et femina qui aliquo tempore fecerit adulterium et inventus seu inventa fuerit in illo adulterio teneatur currere Villam de Levinhaco prout in Civitate Tholose in talibus / est facere consuetum, vel dare unusquisque viginti solidos tholosanos Dominis predicte Ville de Levinhaco insimul racione dicta, ad electionem illorum videlicet qui inventi fuerint in delicto.
XVI- ITEM predicti Consules / consilio plurium proborum hominum dicte Ville de Levinhaco, pro se ipsis et eorum successoribus et pro tota universitate et communitate dicte Ville de Levinhaco presenti et futura dederunt, voluerunt et concesserunt / predictis Dominis de Levinhaco et eorum ordinio et successoribus quod ipsi et eorum successores, insimul, habeant de unaquaque domo in qua laborator seu laboratores cum bobus seu aliis bestiis permanebit seu / permanebunt et laboranciam in honoribus dicte Ville de Levinhaco faciet seu facient, quoquo anno, in festo Sancte Marie Augusti, unam eyminam abene, ad mensuram videlicet Insule Domini Jordani. Et de unaquaque / domo in qua laborator seu laboratores cum bobus seu aliis bestiis non permanebit seu non permanebunt, teneant predicti insimul unam carteriam abene, ad eamdem mensuram, in predicto festo/Sancte Marie augusti.
XVII- ET HABEANT similiter predicti insimul et eorum ordinium et successores, quoquo anno in eodem festo Sancte Marie augusti, de unaquaque domo dicte Ville de Levinhaco unum / par guallinatorum, vel duos denarios tholosanos, si morantes tunc in dictis domibus guallinatos non haberent.
XVIII- ET HABEANT similiter predicti Domini, insimul,et eorum ordinium et successores de omnibus hominibus / habitantibus in dicta Villa de Levinhaco, videlicet de unaquaque domo in qua homo seu homines habentes vineam seu vineas habitabit seu habitabunt, quoquo anno in tempore vindemiarum medium carterium / vini puri ad cuvam, ad mensuram Insule predicte Domini Jordani.
XIX- ET HABEANT similiter predicti Domini insimul et eorum ordinium de unaquaque domo unum hominem vel mulierem, quoquo anno in tempore / vindemiarum, quando predicti Domini suas vineas vindemiare facient, ad adjuvandum in illum diem in dictis vindemiis Dominis supradictis, si tamen dicti homines per dictos Dominos vel eorum aiulos vel alios / nomine ipsorum fuerint requisiti.
XX- ET HABEANT similiter predicti Domini, insimul,et (eorum) prdinium et successores, pro unaquaque domo dicte Ville de Levinhaco, quoquo anno in festo Omnium Sanctorum, duodecim / denarios tholosanos obliarum prout ab antiquo dare ibi erat consuetum ( … Ca)salibus et aliis honoribus dicte Ville de Levinhaco tales oblias et tales dominationes quando evenerint, in festo / Omnium Sanctorum quales in cartis feodorum continentur.
XXI- (… femi)na existens in dicta Villa de Levinhaco qui vel que habuerit boves laborantes, quod illos boves acomodet et acomodare / teneatur predictis Dominis, insimul, et eorum ordinio, quoquo an(no...pro)ut ab antiquo erat ibi acomodare consuetum.
XXII- ET HABEANT similiter predicti Domini et eorum ordinium et successores / insimul, de unaquaque domo dicte Ville de Levinhaco quo (quo anno...u)nam guallinam vel duos denarios et obolum tholosanos si habitans seu habitantes in dictis domibus tunc / guallinas non gerent prout similiter erat ab antiquo ibi (dare consuetum...).
XXIII- (...vide)licet Dominus Bernardus de Astaforte, miles et Hugo de Sanbolenis, domicellus, et Petrus de Guaraco, pro se ipsis / et eorum heredibus ordinio et successoribus et pr(o…Geraldus Joqueti et Bernardus del Guaset)et Petrus Bernardi del Crozar pro se ipsis et eorum successoribus et pro tota universitate seu communitate dicte / Ville de Levinhaco presenti scilicet et futura. (…..)to et tactis sacrosanctis Dei Evangeliis juraverunt omnes supradictas et singulas consuetudines et libertates / et statuta et stabilimenta predicta et ea (….)untur tenere et imperpetuum observare firmiter incorrupta et nunquam contra predicta vel aliquid de predictis / ab ipsis concessis per se vel per alium seu (……do)lo et fraude remotis penitus et exclusis.
ACTA FUERUNT HEC et concessa et jurata a predictis Dominis / et a predictis Consulibus de Levinhaco, excepto (…)utum predicte fabrice suprascriptum non juravit nec concessit, quinto die introitus mensis / marcii. Et concessio et juramenttum dicti Ugo(nis de Sanbolenis.....) mensis marcii, regnante Ludovico Rege Francorum, Alphonso Tholosano Comite, Ramundo Episcopo, Anno ab / Incarnatione Domini millesimo ducentesimo sex(agesimo secundo…) (....excepto jura)mento dicti Ugonis de Sanbolenis sunt testes Petrus de Aurio, prebyter, et Dominus Poncius de Labenquis, / Miles et Ramundus Guilhermi Escot et Bernard(us….Cas)tri Sarraceni et Petrus de Guazeto, rector ecclesie de Levinhaco et Poncius Domi-nicus, de Levinhaco. / (...De) concessione et juramento dicti Ugonis de Sanbolenis sunt tes(tes....) domicellus et Guillermus Dausas, mercator, et predictus Poncius Dominicus de Levinhaco et Tholosanus / de Monte Taucino, publicus Tholose notarius est de (......) aco predictorum.
Hoc translatum transtulit Petrus de Saneta Fide ex quadam carta quam / Tholosanus de Monte Taucino scripserat, eisdem (...... ) rege, Bertrandi Tholosano Episcopo, anno ab Incarnatione Domini (…) Hujus translati sunt testes / Thomas Furnerius et Bernardus Rubei notar(….) Thomas Furnerius subscripsit et Bernardus Rubei se subscripsit.
PRESENS COPIA consuetudinum / abstracta a suo vero vero originali fuit cum (.........) capitulariorum Tholose vicartique et consulum Ville Insule Jordani, publicum eiusdem Ville Insule Jordani predicte / habitatorem. Et quia convenit cum (.....) verum authenticum quo in publicis utor actibus hic apposui quod est tale. Constante mihi notario / predicto de verbis signis omissis hic (....) terciam partem (......) eorum voluntate fuit (…..) quam terciam partem predicti consules et eorum successores et dicte Ville vel (...) septuagesimo quarto.